Al vias in Egit
...fonti MOOLTO apocrife dal deserto di Giudea...
(ritrovamento del 26/12/2007)
Capitul Du: Sbraiot 12-22
Al giuran ad la Befana, intant che Giusèpe, Maria e’l putin i’era ‘dre prepararas a disliberar la capana, ariva i Re Magi cui bilìn par Gesù Bambìn.
Intant che la Madona la ciàcula cui Magi, Giusepe agh pìcia an pigòs e’l s’insùgna n’angil c’agh dis:
“Lasa lì ‘d runfàr, levat su, smunta al presepi e va in vias ad nose in Egit cun tuta la tu famiglia; parchè a Erode, cal g’ha mai avì tuti i pagn a much, a gh’è girà le bale. L’ha dat urdan ai suldà da cupàr tuti i putin ad Betleme. Quindi, s’at vo star adla part dal furmentùn, l’è mèi c’at feghi su baràca e buratìn e ca tat fèghi pù vedar in gir par an qual anetin!”
“Ma èl mai pusìbul che tute le volte c’at gh’è quel da dìram a tam vegni a rumpar i turùn intant ca sun ‘dre dòrmar!?” – as lamenta Giusepe mès indurmens.
“At vurè mia c’at telefuna!” – al ribadis l’angil cun n’irunia sutìla – “a vurà dir che la prosima volta a turò apuntament! Ma pensac ti chi lu …!!!”
Sensa perdar altar temp Giusèpe ‘l fa sù al sac-a-pelo, al carga muier e putìn in sal mùso e’l va in Egit. In lunga a la strada al ved l’ura da rivàr in sal Nilo par piciàgh an scaves a l’umbra ad na piopa. Ma’l fa mia in temp a insnuciàras al cuspèt dal Faraùn ch’al la ciàma ancùra l’angil: “Vara che Erode l’è mort! Gira l’àsan e turna in Galilea!”
“Ma quel vèh, am sun catà na bèla gata!!!” – al dis Giusepe tra sé e sé, intant cal gira ’l muso. E infund al gh’eva mia tuti i tòrt, parchè sarà stà anca na gran sudisfasiùn èsar al pàdar dal Messìa, ma ti pròa a giràr a pè da na part a cl’atra dal desèrt cul sul ca pìcia in cùstera e po’ ta m’al savrè dir.
L'è parola dal signur
»
- Login per inviare commenti
fare il padre del Messia
Certo deve essere stato un mestiere proprio difficile, soprattutto imprevedibile. Quando qualche archeologo particolarmente fortunato scoprirà altri fogli smarriti della Bibbia secondo il Lanfro, credo che vedremo Giuseppe alle prese con un figlio non troppo obbediente, o meglio così obbediente da superare in obbedienza e disponibilità il padre. Il risultato sarà qualche divina incomprensione. Insomma per fare la volontà di Dio l'asino è sempre da girare. Potrebbe essere uno spunto per i padri i cui figli non sono il Messia...
Da ultimo faccio notare le strane somiglianze linguistiche tra questi antichi fogli della Bibbia e una lingua popolare parlata da poche migliaia di persone in una sperduta landa padana di gente contadina... Tracce di umanità...